திருச்சி தென்புற நகரான கே.கே.நகருக்கு செல்லும் கே.சாத்தனூர் சாலையில் கட்டண பொது கழிப்பிடம் சிம்கோ அருகில் உள்ளது. அதன் பிறகு சுமார் நான்கு கிலோ மீட்டர் தூரத்தில் உள்ள கே.கே. நகர் பஸ் நிலையத்தில் உள்ளது. இதன் இடைப்பட்ட பகுதியில் பல கடைகள் மற்றும் சிறு நிறுவனங்கள் உள்ளன. இவைகளில் வேலை செய்கின்றவர்கள் சிறுநீர் கழிப்பதற்கு தேவையான பொது கழிப்பிட வசதி இல்லாததால் மிகவும் சிரமப்படுகின்றனர். சில சமயம் பொது மக்களும் அவதிக்குள்ளாகின்றனர். பொதுமக்களின் வசதிக்காகவும் மற்றும் சிறு வியாபாரிகளுக்காகவும் சபரிமில் அருகில் கட்டண பொது கழிப்பிடம் மாநகராட்சி நிர்வாகம் அமைத்துக்கொடுக்க நடவடிக்கை எடுக்க வேண்டும் என கேட்டுக்கொள்கிறோம்.