தோட்டப்பாளையம் பகுதியில் பாதாள சாக்கடை திட்டப்பணிகள் முடிந்து பல மாதங்கள் ஆகி விட்டன. அதற்காக தோண்டப்பட்ட பல தெரு சாலைகளில் தார், சிமெண்டு போடாமல் வைத்துள்ளனர். தோட்டப்பாளையம் பகுதியில் உள்ள விடுதிகள், வீடுகளில் தங்கி சிகிச்சை பெறும் நோயாளிகள் அங்குள்ள மோசமான சாலைகளில் நடந்து செல்ல அவதிப்படுகின்றனர். ஆட்டோக்களிலும் செல்ல முடியவில்லை. ஓரிரு நாட்களுக்கு முன் கிரவுன் தியேட்டர் அருகில் உள்ள நாகாலம்மன் கோவில் தெருவிலும் பள்ளம் தோண்டி உள்ளனர். எனவே தோண்டப்பட்ட சாலையை தார் சாலையாக அமைக்க வேண்டும், இல்லையேல் சிமெண்டு சாலையாக அமைக்க வேண்டும். சம்பந்தப்பட்ட அதிகாரிகள் நடவடிக்கை எடுப்பார்களா?
-ஜானகிராமன், தோட்டப்பாளையம்.