ராசிபுரம் அடுத்த குட்டலாடம்பட்டி கிராமத்திற்கு செல்லும் சாலை தேசிய நெடுஞ்சாலையில் இருந்து தொட்டியவலசு வழியாக செல்கிறது. இந்த சாலை மிகவும் சேதமடைந்து காணப்படுகிறது. இதனால் வாகன ஓட்டிகள் அடிக்கடி விபத்தில் சிக்கி காயம் அடைகின்றனர். இதுகுறித்து பலமுறை புகார் அளித்தும் இதுவரை எந்தவித நடவடிக்கையும் எடுக்கப்படவில்லை. எனவே பொதுமக்கள் நலன் கருதி சம்பந்தப்பட்ட அதிகாரிகள் விரைந்து நடவடிக்கை எடுத்து சாலையை சீரமைக்க வேண்டும்.