திருவள்ளூர் மாவட்டம், திருநின்றவூர் பாக்கம் நியூ காலனி பஸ் நிறுத்த சாலை 4 வழிச்சாலையாக மாற்றப்பட்டுள்ளது. இதனால் அந்த பகுதியில் வழக்கத்துக்கு மாறாக வாகனங்கள் அதிவேகமாக கடந்து செல்கின்றன. இந்த போக்கால் பொதுமக்கள், பள்ளி மாணவர்களிடையே விபத்து குறித்த அச்சம் ஏற்பட்டுள்ளது. விபரீதம் ஏற்படும் முன்பு அந்த சாலையில் இது சம்பந்தப்பட்ட அதிகாரிகள் வேகத்தடை அமைத்திட உரிய நடவடிக்கை எடுக்க வேண்டும்.