சென்னை புளியந்தோப்பு வ.உ.சி. நகர் 1-வது தெருவில் பாதாள சாக்கடை மூடிகள் சேதமடைந்து, கழிவுநீர் சாலையில் பெருக்கெடுத்து ஓடும் அவலநிலை நீடித்தது. இதுதொடர்பாக 'தினத்தந்தி' புகார் பெட்டியில் படத்துடன் செய்தி வெளியானது. சம்பந்தப்பட்ட துறைசார்ந்த அதிகாரிகள் உடனடி நடவடிக்கையாக சேதமடைந்த மூடியை சரிசெய்தனர். உரிய நடவடிக்கை எடுத்த அதிகாரிகளுக்கும், அதற்கு தூண்டுதலாக நின்ற ‘தினத்தந்தி‘ பத்திரிகைக்கும் அப்பகுதி பொதுமக்கள் பாராட்டை தெரிவித்துள்ளனர்.