தஞ்சை மாவட்டம் பட்டுக்கோட்டை அருகே ஏனாதி கிராமம் உள்ளது. இக்கிராமத்தில் உள்ள ஆதிதிராவிடர்காலனியில் முறையான சாலை வசதி இல்லை. மழைக்காலங்களில் அப்பகுதியில் உள்ள மண்பாதைகள் சேறும்,சகதியுமாக மாறிவிடுகிறது. இதனால் மாணவ-மாணவிகள் மிகுந்த சிரமத்துடன் சேற்றில் நடந்தபடி பள்ளிக்கு சென்று வருகின்றனர். மண்பாதையில் தேங்கும் மழைநீரில் கொசுக்கள் உற்பத்தியாகிறது. இவற்றால் சுகாதார சீர்கேடு ஏற்படுகிறது. சாலை வசதி இல்லாததால் வாகன ஓட்டிகள் அவதிக்குள்ளாகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சாலை வசதி செய்து தர நடவடிக்கை எடுக்க வேண்டும்.