திருச்சி மாவட்டம், மருங்காபுரி வட்டம், வேம்பனூர் கிராமம், வெள்ளைபிச்சம்பட்டியில் உள்ள பூமாரி அம்மன் கோவிலுக்கு முன்பு அங்கன்வாடி அமைந்துள்ளது. இந்த அங்கன்வாடியில் சுமார் 50-க்கும் மேற்பட்ட குழந்தைகள் படித்து வருகின்றனர். இந்த அங்கன்வாடி முன்பு பூமாரி அம்மன் கோவிலில் இருந்து கிழக்குத் தெரு வரை மண் சாலையாக உள்ளதால் மழைபெய்யும்போது சாலை சேறும், சகதியுமாக காணப்படுகிறது. இதனால் இப்பகுதி மக்கள் மற்றும் குழந்தைகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.