திருச்சி மாவட்டம், உப்பிலியபுரம் ஒன்றியம் ஏறகுடியிலிருந்து மேட்டுப்பாளையம் செல்லும் சாலையில் அமைந்துள்ள முத்துராஜா தெருவில் அமைக்கப்பட்டுள்ள சாலை சிதிலமடைந்து தற்போது பெய்த மழையால் சேறும், சகதியுமாக உள்ளது. சாலையை சீரமைக்க பலமுறை கோரிக்கை வைத்தும் ஊராட்சி நிர்வாகம் கண்டு கொள்ளாததால் பொதுமக்கள் மிகவும் சிரமத்துக்கு உள்ளாகின்றனர். மழை காலங்களில் முதியவர்கள், கர்ப்பிணிகள், பெண்கள், குழந்தைகள் அவ்வழியே செல்லும்போது கீழே விழும் நிலை உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து புதிய தார் சாலை அமைக்க வேண்டும் என கேட்டுக்கொள்கிறோம்.