திருச்சி மாவட்டம், உப்பிலியபுரம் ஒன்றியம் ஏறகுடியிலிருந்து மேட்டுப்பாளையம் செல்லும் சாலையில் அமைந்துள்ள முத்துராஜா தெருவில் அமைக்கப்பட்டுள்ள மண் சாலையானது தற்போது பெய்த மழையின் காரணமாக சேறும், சகதியமாக காணப்படுகிறது. இதனால் இருசக்கர வாகன ஓட்டிய இந்த சாலையில் செல்லும்போது நிலை தடுமாறி கீழே விழுந்து காயம் அடைந்து வருகின்றனர். மேலும் முதியவர்கள், குழந்தைகள், பெண்கள் இந்த சாலையில் நடந்து செல்ல பெரிதும் சிரமப்படுகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இப்பகுதியில் புதிய தார்ச்சாலை அமைக்க வேண்டும் என கேட்டுக்கொள்கிறோம்.