கோவை கணபதி அருகே பூசாரிபாளையத்தில் இருந்து மணியகாரம்பாளையம் செல்லும் சாலை மிகவும் குறுகலாக உள்ளது. இதன் காரணமாக அந்த சாலையில் எதிர் எதிரே வரும் வாகனங்கள் ஒன்றையொன்று கடந்து செல்ல முடியாத நிலை உள்ளது. அப்படி கடந்து சென்றாலும் விபத்தில் சிக்கும் அபாயம் காணப்படுகிறது. இதனால் தேவையில்லாத வாக்குவாதங்களும், தகராறுகளும் ஏற்படுகிறது. மேலும் பிற வாகன ஓட்டிகளும் சிரமப்படுகிறார்கள். எனவே அந்த சாலையை உடனடியாக அகலப்படுத்த சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும்.