தஞ்சை மாவட்டம் ஒரத்தநாடு வட்டத்தில் தெக்கூர் கிராமம் உள்ளது. இந்த கிராமத்தில் உள்ள செல்லம்பட்டி-தெக்கூர் சாலை குறுகலாக உள்ளது. அந்த வழியாக கனரக வாகனங்கள் செல்வதில் சிக்கல் ஏற்பட்டுள்ளது. கனரக வாகனங்கள் வரும் போது எதிரே வரும் வாகனங்கள் செல்ல வழியின்றி சிக்கி கொள்கின்றன. இதனால் பொதுமக்கள், வாகன ஓட்டிகள் அந்த வழியாக சிரமத்துடன் சென்று வருகின்றனர். எனவே, சம்பந்தப்பட்ட அதிகாரிகள் சாலையை அகலப்படுத்த நடவடிக்கை எடுக்க வேண்டும்.