தஞ்சை மாவட்டம் கும்பகோணம் அருகே பழவத்தான்கட்டளை கிராம பகுதியில் குறிஞ்சி நகர்,நைல் நகர் உள்ளது. இந்த நகர்களில் முறையான சாலை வசதி இல்லை. இதனால் பொதுமக்கள் மண் பாதையை பயன்படுத்தி வருகின்றனர். மழைக்காலங்களில் பாதை சேறும்,சகதியுமாக மாறிவிடுவதால் பொதுமக்கள், மாணவ-மாணவிகள் அந்த வழியாக நடந்து செல்ல முடியாத நிலை உருவாகிறது. மேலும், வாகன ஓட்டிகளும் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சாலை வசதி செய்து தர நடவடிக்கை எடுக்க வேண்டும்.