நாகை மாவட்டம் திருமருகல் ஒன்றியம் கட்டுமாவடி ஊராட்சி புறாக்கிராமத்தில் அரசு தொடக்கப்பள்ளி மற்றும் அரசு மேல்நிலைப்பள்ளி இயங்கி வருகிறது. இந்த பள்ளி நடுக்கடை-குத்தாலம் மெயின் சாலையில் உள்ளது. குத்தாலம்,நரிமணம்,எரவாஞ்சேரி,துறையூர்,உத்தூர்,நாட்டார்மங்கலம்,தேவன்குடி,மத்தியக்குடி மற்றும் சுற்றுவட்டார பகுதிகளை சேர்ந்த பொதுமக்கள் பல்வேறு தேவைகளுக்காக இந்த சாலையை பயன்படுத்தி வருகின்றனர். இந்த நிலையில் இந்த சாலை வழியே ஆட்டோ,இருசக்கர வாகனங்கள் என 100-க்கும் மேற்பட்ட வாகனங்கள் வந்து செல்கின்றன. இதனால் இப்பகுதியில் அடிக்கடி விபத்துக்கள் ஏற்பட்டது. தினத்தந்தி புகார்பட்டி செய்தி எதிரொலியாக அரசுபள்ளி வாசலில் வேகத்தடை அமைக்கப்பட்டது.
-பொதுமக்கள், புறாக்கிராமம்