திருவாரூரில் புதிய பஸ் நிலையத்துக்கு திருச்சி, தஞ்சாவூர், நாகப்பட்டினம், வேளாங்கண்ணி மற்றும் வெளியூர்களுக்கு செல்லும் பஸ்கள் வந்து செல்கின்றன. இந்த பஸ் நிலையத்தில் உள்ள சாலைகள் சேதமடைந்து குண்டும் குழியுமாக காட்சியளிக்கின்றன. இதனால் பொதுமக்கள் பஸ் நிலையத்திற்கு வந்து செல்வதற்கு மிகவும் சிரமப்படுகின்றன. மேலும், புழுதிகள் அதிக அளவில் பறப்பதால் முதியவர்கள், மாணவ மாணவிகள், சிறுவர்கள் என அனைத்து தரப்பு மக்களும் பெரும் அவதிக்குள்ளாகின்றனர். எனவே, பொதுமக்கள் மற்றும் பயணிகள் நலன் கருதி சம்பந்தப்பட்ட அதிகாரிகள் பஸ் நிலையத்தில் உள்ள சாலையை சீரமைக்க வேண்டும் என்று பொதுமக்கள் கோரிக்கை விடுத்துள்ளனர்.
-பொதுமக்கள், திருவாரூர்.