மயிலாடுதுறை காமராஜர் சாலையில் புனுகீஸ்வரர் கோவில் கீழவீதி சந்திப்பில் பாதாள சாக்கடை குழியை சீரமைப்பதற்காக பள்ளம் தோண்டப்பட்டது. ஆனால் தற்போது வரை இந்த பள்ளம் மூடப்படாமல் உள்ளது. இதனால் பொதுமக்கள், வாகனஓட்டிகள் மிகுந்த சிரமத்துக்குள்ளாகி வருகின்றனர். குறிப்பாக இரவு நேரங்களில் வாகனங்களில் வருபவர்கள் பள்ளம் இருப்பது தெரியாமல் விபத்துக்குள்ளாகின்றனர். எனவே, அசம்பாவிதம் எதுவும் ஏற்படும் முன் மேற்கண்ட பகுதியில் உள்ள ஆபத்தான பள்ளத்தை மூட சம்பந்தப்பட்ட அதிகாரிகள் நடவடிக்கை எடுப்பார்களா?