கூடலூர் செவிடிபேட்டையில் கண் ஆஸ்பத்திரிக்கு செல்லும் வழியில் உள்ள சாலையில் பல இடங்களில் குண்டும், குழியுமாக காணப்படுகிறது. இதன் காரணமாக அந்த வழியாக நடந்து செல்லும் குழந்தைகள், முதியவர்கள் தவறி விழுந்து காயம் அடைகின்றனர். மேலும் இருசக்கர வாகன ஓட்டிகள் விபத்தில் சிக்கி வருகின்றனர். மழை பெய்துவிட்டால், அந்த சாலை மேலும் மோசமாகிவிடுகிறது. அந்த நேரத்தில், சாலையை பயன்படுத்த முடியாத நிலை உள்ளது. எனவே சாலையை விரைவாக சீரமைக்க அதிகாரிகள் முன்வர வேண்டும்.