தஞ்சை எம்.கே.மூப்பனார் சாலையில் உள்ள பண்ட்ஆபீஸ்அக்ரஹாரம் தெருவில் முறையான சாலை வசதி இல்லை. இதனால் அந்த பகுதி மக்கள் மண்பாதையை பயன்படுத்தி வருகின்றனர். மழைக்காலங்களில் பாதை சேறும்,சகதியுமாக மாறிவிடுகிறது. இதனால் பொதுமக்கள் அந்த வழியாக நடந்து செல்ல முடியாத நிலை உள்ளது. குழந்தைகள், முதியவர்கள் சாலையில் ஏற்பட்டுள்ள பள்ளத்தில் தடுமாறி கீழே விழுந்து விடுகின்றனர். வாகன ஓட்டிகளும் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சாலை வசதி செய்து தர வேண்டும்.