தஞ்சை மாவட்டம் ஒரத்தநாடு வட்டம் காரியாவிடுதி ஊராட்சி கருவாரி தெரு உள்ளது. இந்த பகுதியில் முறையான சாலை வசதி இல்லை. இதனால் பொதுமக்கள் மண்பாதையை பயன்படுத்தி வருகின்றனர். மழைக்காலங்களில் மண்பாதை சேறும்,சகதியுமாக மாறிவிடுகிறது. இதன்காரணமாக மாணவ-மாணவிகள், பொதுமக்கள் நடந்து செல்ல வழியின்றி சிரமத்துக்குள்ளாகின்றனர். இறந்தவர்களின் உடல்களை சுடுகாட்டுக்கு எடுத்து செல்வதிலும் சிக்கல் ஏற்படுகிறது. எனவே, சம்பந்தப்பட்ட அதிகாரிகள் மேற்கண்ட பகுதியில் முறையான சாலை வசதி செய்து தர வேண்டும் என்பதே பொதுமக்களின் கோரிக்கையாகும்.