திருவாரூர் மாவட்டம் தண்டலை ஊராட்சிக்கு உட்பட்ட கூட்டுறவு நகரில் ஊராட்சி அலுவலகம், ரேஷன் கடை, வி.ஏ.ஓ அலுவலகம், அம்மா பூங்கா போன்றவை உள்ள முக்கிய சாலை மிகவும் சேதமடைந்து குண்டும், குழியுமாக உள்ளது. இதனால் வாகன ஓட்டிகள் பெரிதும் சிரமப்படுகின்றனர். தற்போதுமழை பெய்து வருவதால் மேடு, பள்ளங்களில் மழை தண்ணீர் தேங்கி விடுகிறது. இதனால் இருசக்கர வாகன ஓட்டிகள் நிலை தடுமாறி விழுந்து விபத்தில் சிக்கி விடுகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து குண்டும், குழியுமான சாலையை சீரமைக்க வேண்டும் என்று பொதுமக்கள் கோரிக்கை விடுத்துள்ளனர்.
பொதுமக்கள், தண்டலை