தஞ்சை மாவட்டம், பட்டுக்கோட்டை டவுன் முத்துப்பேட்டை சாலையில் கைகாட்டி பஸ் நிறுத்தம் உள்ளது. இந்த பஸ்நிறுத்தத்தில் இருந்து தாலுகா அலுவலகம் வரை தெரு விளக்குகள் சரிவர எரிவதில்லை. இதனால் அந்த பகுதி முழுவதும் இருள் சூழ்ந்து காணப்படுகிறது. இதனால் இரவுநேரங்களில் வாகனஓட்டிகள் மிகவும் அவதிப்பட்டு வருகின்றனர். வழிப்பறி உள்ளிட்ட சம்பவங்கள் ஏற்படுமோ? என்ற அச்சத்துடன் பொதுமக்கள் அந்த வழியாக சென்று வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.