செங்கல்பட்டு மாவட்டம், மறைமலைநகர் பேரமனூர் கிராமத்தில் உள்ள ரெயில்வே தெருவில் தனியாருக்கு சொந்தமான இடம் ஒன்று உள்ளது. அங்கு அந்த பகுதியில் உள்ள அடுக்குமாடி குடியிருப்பில் வசிக்கும் மக்கள் குப்பைகள் கொட்டுகின்றனர். இதனால் அதிகஅளவு துர்நாற்றம் வீசுகிறது. மேலும், நோய்தொற்று பரவும் அபாயம் உள்ளது. எனவே, சம்பந்தப்பட்ட துறை அதிகாரிகள் குப்பைகளை அகற்றவும், குப்பை கொட்டுவதை தடுக்கவும் நடவடிக்கை எடுக்க வேண்டும்.