அரியலூர் மாவட்டம் உடையார்பாளையம் வட்டம் கீழநத்தம் கிராமத்திற்கு உட்பட்ட மழவராயநல்லூர் கிராமத்தில் ஏராளமான பொதுமக்கள் வசித்து வருகின்றனர். இப்பகுதியில் யாரேனும் உயிரிழந்தால் அவர்களின் உடலை அடக்கம் செய்ய இப்பகுதியில் உள்ள சுடுகாட்டில் மயான கொட்டகை அமைக்கப்படாமல் உள்ளது. இதனால் மழைக்காலங்களில் இப்பகுதியில் இறந்தவர்களின் உடலை தகனம் செய்ய முடியாமல் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இப்பகுதியில் மயான கொட்டகை அமைத்து தர வேண்டும் என கேட்டுக்கொள்கிறோம்.