அரியலூர் மாவட்டம் கல்லங்குறிச்சி-கடுகூர் சாலையில் ஏராளமான வீடுகள் மற்றும் கடைகள் உள்ளன. அதிகளவில் பொதுமக்கள் வசித்து வரும் இப்பகுதியில் தெருநாய்கள் தொல்லை நாளுக்கு நாள் அதிகரித்து வருகிறது. இதனால் இப்பகுதி மக்களும், குழந்தைகளும் கடும் அவதியடைந்து வருகின்றனர். மேலும் இவை இப்பகுதியில் உள்ள குழந்தைகள் மற்றும் பொதுமக்களை அச்சுறுத்தியும், கடிக்கவும் பாய்கிறது. இதனால் குழந்தைகளை வெளியில் அனுப்பவே பெற்றோர்கள் அச்சப்படுகின்றனர். இதுகுறித்து சம்பந்தப்பட்ட அதிகாரிகள் உரிய நடவடிக்கை மேற்கொண்டு தெருநாய்கள் தொல்லையை கட்டுப்படுத்த வேண்டும் என்று கேட்டுக்கொள்கிறோம்.