அரியலூரில் இருந்து அம்மாக்குளம் செல்லும் சாலையில் அய்யப்பனேரி உள்ளது. இந்த ஏரிக்கு அருகில் உள்ள பொது சுகாதார கழிப்பிடம் கட்டப்பட்டுள்ளது. ஆனால் தற்போது வரை இந்த பொது சுகாதார கழிப்பிடம் திறக்கப்படாமல் உள்ளது. இதன் காரணமாக இப்பகுதியை சேர்ந்த ஆண்களும், பெண்களும் சிரமப்பட்டு வருகின்றனர். மேலும் பலர் பொது இடத்தில் மலம் கழித்து வருகின்றனர். எனவே சம்பந்தப்பட்ட அதிகாரிகள் இதுகுறித்து விரைந்து நடவடிக்கை மேற்கொண்டு பொது சுகாதார கழிப்பிடத்தை திறக்க வேண்டும் என்று கேட்டுக்கொள்கிறோம்.