ஈரோடு பஸ் நிலையம் அருகில் வி.சி.டி.வி.ரோடு செல்கிறது. அங்கு திருமண மண்டபங்கள் உள்ளதால் ஏராளமான மக்கள் வந்து செல்கின்றனர். வ.உ.சி. பூங்கா விளையாட்டு மைதான நீச்சல் குளத்துக்கு செல்லும் மாணவ-மாணவிகளும் இந்த சாலையை பயன்படுத்தி வருகின்றனர். அங்கு பாதாள சாக்கடை மூடி அமைக்கப்பட்ட இடத்தில் ஆபத்தான பள்ளம் உருவாகி உள்ளது. நடந்து செல்பவர்கள் தடுமாறி கீழே விழுந்து விடுகின்றனர். இருசக்கர வாகனங்களில் செல்பவர்களும் தவறி விழும் அபாயம் உள்ளது. எனவே பள்ளத்தை சீரமைக்க அதிகாரிகள் நடவடிக்கை எடுப்பார்களா?