அரியலூர் மாவட்டம், ஜெயங்கொண்டம் நகரப்பகுதியில் ஏராளமான பன்றிகள் சுற்றித்திரிவதனால் இப்பகுதியில் சுகாதார சீர்கேடு ஏற்படுவதுடன், நோய் தொற்று பரவும் அபாயம் உள்ளது என தினத்தந்தி புகார் பெட்டி பக்கத்தில் செய்தி வெளியிடப்பட்டது. இதனை அறிந்த சம்பந்தப்பட்ட அதிகாரிகள் விரைந்து நடவடிக்கை எடுத்து ஜெயங்கொண்ட நகரப்பகுதியில் சுற்றித்திரிந்த பன்றிகளை பிடித்து அப்புறப்படுத்தினர். இதற்கு இப்பகுதி மக்கள் தினத்தந்தி புகார் பெட்டிக்கும், நடவடிக்கை எடுத்த அதிகாரிகளுக்கும் நன்றி தெரிவித்தனர்.