ஈரோடு ரெயில் நிலைய 3-வது நடைமேடையில் பயணிகள் காத்திருப்பு அறை உள்ளது. இந்த காத்திருப்பு அறை அருகே பயணிகள் அமர்ந்து இருப்பதற்காக இருக்கைகள் அமைக்கப்பட்டு உள்ளது. அதில் ஒரு இருக்கை அமைக்கப்பட்டு இருந்த தரை பகுதியில் 4 ஆணிகள் வெளியே நீண்டுகொண்டு இருக்கிறது. இதனால் அந்த வழியாக நடந்து செல்லும் பயணிகள் மற்றும் குழந்தைகளின் கால்களில் ஆணிகள் குத்தி பதம் பார்த்துவிடும் நிலையில் இருக்கிறது. எனவே சம்பந்தப்பட்ட அதிகாரிகள் ஆபத்தான நிலையில் காணப்படும் ஆணிகளை அந்த இடத்தில் இருந்து அகற்ற நடவடிக்கை எடுக்க வேண்டு்ம் என்று ரெயில் பயணிகள் கோரிக்கை விடுத்துள்ளனர்.