அரியலூர் பெரிய அரண்மனை தெரு பகுதியில் ஏராளமான பொது மக்கள் வசித்து வருகின்றனர். மேலும் இப்பகுதியில் உயர்நிலை மற்றும் மேல்நிலைப்பள்ளி செயல்பட்டு வருகிறது. இந்த நிலையில் இப்பகுதியில் ஏராளமான தெருநாய்கள் சாலைகளில் சுற்றித்திரிகின்றன. இவை இப்பகுதியில் செல்லும் இருசக்கர வாகன ஓட்டிகளை கடிக்க துரத்துவதினால் அவர்கள் நிலைதடுமாறி கீழே விழுந்து காயம் அடைந்து வருகின்றனர். மேலும் பள்ளி மாணவ- மாணவிகளையும் கடிக்க துரத்துவதால் அவர்கள் பெரிதும் அச்சத்தின் உள்ளனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.