திருநாவலூர் ஊராட்சி களத்தூர் ரேஷன் கடை கட்டிடம் கட்டப்பட்டு சுமார் 25 ஆண்டுகள் ஆகிறது. முறையான பராமரிப்பின்றி தற்போது அந்த கட்டிடம் முற்றிலும் சேதமடைந்து விரிசல் ஏற்பட்டுள்ளது. இதனால் எந்நேரத்திலும் இடிந்து விழும் நிலையில் உள்ள அந்த கட்டிடத்திற்குள் நின்று பொதுமக்கள் அத்தியாவசிய பொருட்கள் வாங்க அச்சப்படுகின்றனர். மேலும் மழைக்காலங்களில் தண்ணீர் ஓழுகி, பொருட்கள் அனைத்தும் வீணாகிறது. எனவே அந்த கட்டிடத்தை இடித்து விட்டு ரேஷன் கடைக்கு புதிய கட்டிடம் கட்ட அதிகாரிகள் நடவடிக்கை எடுப்பது அவசியம்.