அரியலூர் மாவட்டம், ஜெயங்கொண்டம் நகரப் பகுதியில் ஏராளமான தெருநாய்கள் சாலைகளில் சுற்றித்திரிகின்றன. இவை இந்த வழியாக செல்லும் இருசக்கர வாகன ஓட்டிகளை கடிக்க துரத்துவதினால் அவர்கள் பயத்தில் நிலை தடுமாறி கீழே விழுந்து காயம் அடைந்து வருகின்றனர். இதனால் அப்பகுதியில் உள்ள குழந்தைகளின் பெற்றோர்கள் தங்களின் குழந்தைகளை வெளியே அனுப்பினால் எங்கு தெருநாய்கள் கடித்து விடுமோ என்ற அச்சத்தில் அவர்களை வெளியே அனுப்ப தயக்கம் காட்டுகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.