திருவள்ளூர் மாவட்டம், புழல் வடகரையில் இருந்து காவாங்கரை செல்லும் சர்வீஸ் சாலையில் தனியார் மேல்நிலைப் பள்ளி ஒன்று செயல்பட்டு வருகிறது. இந்த பள்ளிக்கு அருகே சாலையோரம் தேவையில்லாத குப்பைகள் குவிந்துகிடக்கின்றன. மேலும், சாலை விபத்துகளில் வாகனங்களில் அடிபட்டு இறக்கும் நாய்களின் உடல்களும் இங்கு வீசப்படுகின்றன. இதனால், எப்போதும் இந்த இடத்தில் துர்நாற்றம் வீசுவதால், மாணவ-மாணவிகள் மூக்கை பிடித்தபடி பள்ளிக்கு செல்லும் அவலநிலை உள்ளது. எனவே, சம்பந்தப்பட்ட துறை அதிகாரிகள் உடனடியாக குப்பைகளை அகற்றி சுத்தப்படுத்த நடவடிக்கை எடுப்பார்களா?