புதுக்கோட்டை பழைய பஸ் நிலையத்தில் இருந்து திருமயம் செல்லும் வழியில் சாலையோரம் பயணிகள் நிழற்குடை அமைக்கப்பட்டு உள்ளது. இந்த நிழற்குடையில் சுற்றுப்பகுதியைச் சேர்ந்த பொதுமக்கள் அமர்ந்து தாங்கள் செல்ல வேண்டிய ஊர்களுக்கு பஸ் ஏறி சென்று வருகின்றனர். இந்த நிலையில் இப்பகுதியில் ஏராளமான குப்பைகள் கொட்டப்பட்டு உள்ளது. இதனால் மழைக்காலங்களில் இப்பகுதியில் கடும் துர்நாற்றம் வீசுவதால் பயணிகள், பொதுமக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.