குடியாத்தம் ராபின்சன் குளம் அருகே வீரபத்திர மேஸ்திரி தெரு பகுதியில் நகராட்சிக்கு சொந்தமான அரிசி கிடங்கு வளாகம் உள்ளது. இங்கு குடியாத்தம் பகுதியில் சேகரிக்கப்படும் குப்பைகள் குவிக்கப்பட்டு துர்நாற்றம் வீசி வந்தது. நேற்று காலை யாரோ திடீரென அந்தக் குப்பைக்கு தீ வைத்து விட்டனர். அதில் இருந்து எழுந்த நச்சுப்புகையால் அக்கம் பக்கத்தில் சிலர் மூச்சுத்திணறலால் அவதிப்பட்டனர். அந்த வழியாக காய்கறி பஜார், உழவர் சந்தை, தர்ணம்பேட்டை பஜார் பகுதிக்கு சென்ற பொதுமக்களும், வியாபாரிகளும் சிரமப்பட்டனர். காற்று மாசு அதிகரித்து சுகாதார சீர்கேட்டை ஏற்படுத்தி வருகிறது. இதுகுறித்து கலெக்டர் நடவடிக்கை எடுக்க வேண்டும்.
-பாபுபாலாஜி, குடியாத்தம்.