குன்றத்தூர் தாலுக்கா அலுவலகத்தில் இருந்து போரூர் செல்லும் சாலையில் உள்ள கொல்லச்சேரி சுடுகாட்டை ஒட்டி உள்ள பகுதிகளில் மாமிச கழிவுகள் கொட்டப்படுகின்றன. மாமிச கழிவுகளை சாப்பிட வரும் தெரு நாய்களால் வாகன ஓட்டிகள் விபத்துக்குள்ளாகும் சம்பவங்களும் அரங்கேறுகிறது. மேலும் தொடர்ந்து கொட்டப்படும் கழிவுகளாலும், இதை அப்புறப்படுத்த எந்தவித நடவடிக்கையும் எடுக்காததாலும் பெரும் அளவில் துர்நாற்றம் வீசுகிறது. எனவே தேங்கியிருக்கும் மாமிச கழிவுகளை உடனடியாக அப்புறப்படுத்த வேண்டும்.