சேலம் சந்திப்பு ரெயில் நகர் இரும்பாலை மேம்பாலம் இறக்கத்தில் இறைச்சி கழிவுகள் கொட்டுவதால் ஏற்படும் துர்நாற்றம் குடியிருப்பு பகுதிகளில் வசிக்கும் மக்களுக்கு பல சுகாதார சீர்கேடுகளை ஏற்படுத்தின. இதுபற்றி ‘தினத்தந்தி’யில் செய்தி வெளியானது. இதையடுத்து சேலம் மாநகராட்சி ரெயில் நகர் அருகில் உள்ள இரும்பாலை மேம்பாலத்தில் எச்சரிக்கை பலகை மற்றும் கண்காணிப்பு கேமரா பொருத்தி நடவடிக்கை எடுத்து உள்ளது. அதன் பிறகு யாரும் இறைச்சி கழிவுகள் கொட்டுவதில்லை. இதற்கு நடவடிக்கை எடுத்த மாநகராட்சிக்கும், செய்தி வெளியிட உதவிய ‘தினத்தந்தி’க்கும் அந்த பகுதி பொதுமக்கள் நன்றி தெரிவித்தனர்.