கோவை மாநகராட்சி 28-வது வார்டு ஆவாரம்பாளையம் பகுதியில் ஆங்காங்கே குப்பைகள் குவிந்து கிடக்கிறது. அங்கு தொட்டி வைத்தாலும், குப்பைகளை வெளியே கொட்டிவிட்டு செல்கின்றனர். மேலும் தொட்டியும் நிரம்பி வழிகிறது. இதனால் அங்கு சுகாதார சீர்கேடு ஏற்பட்டு வருவதோடு கடும் துர்நாற்றம் வீசுகிறது. மேலும் அங்கு வசிக்கும் பொதுமக்களுக்கு தொற்று நோய் பரவும் அபாயம் நிலவுகிறது. எனவே குப்பைகளை உடனுக்குடன் அகற்ற அதிகாரிகள் முன்வர வேண்டும்.