பெரம்பலூர் மாவட்டம், ஆலத்தூர் மேற்கு ஒன்றியம், து.களத்தூர் கிராமத்தில் உள்ள பெரிய ஏரியில் குப்பைகள் கொட்டப்பட்டு வருகிறது. இதனால் இப்பகுதியில் சுகாதார சீர்கேடு ஏற்பட்டு நோய் தொற்று பரவும் அபாயம் உள்ளது. மேலும் இந்த குப்பைகள் மழைபெய்யும்போது தண்ணீரில் கலந்து துர்நாற்றம் வீசுகிறது. இதனால் கொசு உற்பத்தியாகவும் அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.