திருச்சி மாவட்டம் மணப்பாறை தாலுகா கரும்புலிபட்டி தொப்பம்பட்டி கிராமத்தில் உள்ள ஒரு மின்கம்பம் முற்றிலும் பழுதடைந்து, சிமெண்டு பூச்சுகள் பெயர்ந்து ஆபத்தான நிலையில் உள்ளது. எந்த நேரத்திலும் இந்த மின்கம்பம் முறிந்து விழுந்து பெரும் விபத்து ஏற்படுமோ என்று அப்பகுதி பொதுமக்கள் அச்சத்தில் உள்ளனர். எனவே, அசம்பாவிதம் ஏதும் நடக்கும் முன்பாக, ஆபத்தான இந்த மின்கம்பத்தை அகற்றிவிட்டு புதிய மின்கம்பம் அமைத்துத் தர சம்பந்தப்பட்ட அதிகாரிகள் நடவடிக்கை எடுக்க வேண்டும்.