புதுக்கோட்டை மாவட்டம் வடகாட்டை அடுத்த மாங்காடு ஆர்ச் அருகே உள்ள பஸ் நிறுத்த பகுதியில் உயர் கோபுர மின் விளக்கு அமைக்கப்பட்டு உள்ளது. இந்த உயர் கோபுர மின் விளக்கில் பழுது ஏற்பட்டு இரவு நேரத்தில் மின்விளக்கு எரியாமல் உள்ளதால் இப்பகுதியில் இரவு நேரத்தில் இருள் சூழ்ந்து காணப்படுகிறது. இதனால் இப்பகுதியில் பெண்கள் மற்றும் முதியவர்கள் இரவு நேரத்தில் நடந்து செல்ல பெரிதும் அச்சப்பட்டு வருகின்றனர். மேலும் இருளை பயன்படுத்தி இப்பகுதியில் சட்ட விரோத செயல்கள் நடக்க அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.