உத்தமபாளையம் நகரில் நெடுஞ்சாலை சார்பில் சாலை விரிவாக்க பணி நடந்தது. அப்போது சாலையின் நடுவில் இருந்த மின் கம்பங்கள் அகற்றப்பட்டு சாலையோரமாக மாற்றியமைக்கப்பட்டுள்ளது. அந்த மின்கம்பங்களில் மின் வயர் இணைப்பு கொடுக்காமல் இருப்பதால் அந்த பகுதியில் மின்சாரம் துண்டிக்கப்பட்டுள்ளது. இதன் காரணமாக அப்பகுதியில் இரவு நேரத்தில் இருள் சூழ்ந்துள்ளது. இதனால் பொது மக்கள், வாகன ஓட்டிகள் இரவில் வெளியே செல்லவே அச்சப்படுகின்றனர். எனவே விரைவாக மின் வயர் இணைப்பு கொடுக்க அதிகாரிகள் நடவடிக்கை எடுக்க வேண்டும்.