புதுக்கோட்டை மாவட்டம், திருவரங்குளம் அருகே உள்ள திருக்கட்டளை, கைக்குறிச்சி, திருமலைராய சமுத்திரம் ஊராட்சிகளை இணைக்கும் கேப்பறை 3 வழி சாலை புதுக்கோட்டையில் இருந்து ஆலங்குடி அறந்தாங்கி இணைப்புச் சாலையாக உள்ளது. இங்கு தினமும் 100-க்கும் மேற்பட்ட பொதுமக்கள் பஸ்சுக்காக வந்து செல்வது வழக்கம். தற்போது அறந்தாங்கி- புதுக்கோட்டை சாலை அகலப்படுத்தும் பணி நடைபெற்று வருகின்றது. எனவே இருள் சூழ்ந்து காணப்படும் இந்த பகுதியில் உயர் கோபுர மின்விளக்கு அமைக்க நடவடிக்கை எடுக்க வேண்டும் என கேட்டு கொள்கிறோம்.