அரியலூர் அண்ணா சிலை பகுதியில் இரவு நேரங்களில் போதுமான அளவில் மின்விளக்குகள் இல்லாத காரணத்தால் இருள் சூழ்ந்து காணப்படுகிறது. இதனால் இரவு நேரங்களில் இந்த வழியாக பெண்கள் நடந்து செல்வதற்கு சிரமப்படுகின்றனர். மேலும் தெருநாய்கள் கூட்டம் கூட்டமாக நின்று கொண்டு அந்த வழியாக செல்பவர்களை அச்சுறுத்துகிறது. எனவே அதிகாரிகள் நடவடிக்கை எடுத்து மாவட்டத்தின் முக்கிய பகுதியில் போதுமான அளவில் மின்விளக்குகள் அமைக்கவும், தெருநாய்கள் தொல்லையை கட்டுப்படுத்தவும் நடவடிக்கை எடுக்க வேண்டும் என கேட்டுக்கொள்கிறோம்.