திருச்சி மாவட்டம், அம்மாபேட்டை பஞ்சாயத்து வடக்கு அம்மாப்பேட்டை கிராமத்தில் உள்ள இந்திரா காலனி அருகில் மின்மாற்றி ஒன்றி அமைக்கப்பட்டுள்ளது. இந்த மின்மாற்றி பழுதானதையொட்டி அதனை மின்சார வாரிய ஊழியர்கள் கழற்றி எடுத்துச்சென்றனர். அதன் பிறகு மின்மாற்றி பொருத்தப்படாமல் மின்கம்பம் மட்டுமே நிற்கிறது. இதனால் இப்பகுதி மக்கள் சீரான மின்சார வினியோகம் இன்றி பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.