விழுப்புரம் கிழக்கு புதுச்சேரி சாலை ரெட்டியார்மில் பஸ் நிறுத்தம் அருகில் உள்ள உயர்கோபுர மின்விளக்கு பழுதடைந்து கடந்த ஒரு மாதத்திற்கு மேலாகியும் சரி செய்யப்படவில்லை. இதனால் இரவு நேரங்களில் அப்பகுதி இருள் சூழ்ந்து காணப்படுவதால் அடிக்கடி சாலை விபத்துகள் ஏற்பட்டு வருகிறது. எனவே தொடர் விபத்துகளை தடுக்கும் வகையில் சம்பந்தப்பட்ட அதிகாரிகள் விரைந்து செயல்பட்டு பழுதடைந்த உயர்கோபுர மின்விளக்குகளை சரிசெய்ய வேண்டியது அவசியம்.