தஞ்சை மாவட்டம் பட்டுக்கோட்டை டவுன் முத்துப்பேட்டை சாலையில் கைகாட்டி பஸ் நிறுத்தம் முதல் தாலுகா அலுவலகம் வரை தெரு விளக்குகள் உள்ளன. இவை கடந்த சில வாரங்களாக சரிவர எரிவதில்லை. இதனால் இரவு நேரங்களில் அந்த பகுதி முழுவதும் இருள் சூழ்ந்து காணப்படுகிறது. இதன்காரணமாக பொதுமக்கள் அச்சத்துடன் சென்று வருகின்றனர். வாகன ஓட்டிகளும் சிரமத்துக்குள்ளாகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள தெருவிளக்குகள் ஒளிர நடவடிக்கை எடுக்க வேண்டும்.