திருப்பத்தூர் மாவட்டம் பேராம்பட்டு துணை மின்வாரிய அலுவலகத்துக்கு உட்பட்ட சிம்மணபுதூர் ஊராட்சி அன்புநகர் பகுதியில் ஒரு விவசாய நிலத்தில் உள்ள மின்சார டிரான்ஸ்பார்மர் பழுதடைந்துள்ளது. டிரான்ஸ்பார்மர் பழுதை இதுவரை சரி செய்யவில்லை. இதுகுறித்து புகார் அளித்தும் மின்வாரியத்துறையினர் வந்து பழுதை நீக்க வில்லை. இதனால் சின்னுவட்டம், தாதராமனூர் ஆகிய பகுதிகளில் மின்சாரம் இல்லை. மின்சாரம் இல்லாமல் விவசாயிகள் தங்களின் விளை நிலங்களுக்கு தண்ணீர் பாய்ச்ச முடியவில்லை. இனியாவது அதிகாரிகள் நடவடிக்கை எடுப்பார்களா?
-கோவி.சரவணன் சமூக ஆர்வலர், சிம்மணபுதூர்.