நாகை மாவட்டம் திருமருகல் ஊராட்சி கரையிருப்பு பகுதியில் உள்ள வயலில் ஏராளமான விவசாயிகள் பல்வேறு பொருட்களை விளைவித்து வருகின்றனர். இந்த நிலையில் அந்த பகுதியில் உள்ள மின்கம்பங்கள் சேதமடைந்து காணப்படுகிறது. இதனால் மின்கம்பிகள் தாழ்வாக செல்கின்றன. மேலும் அதில் உள்ள சிமெண்டு காரைகள் பெயர்ந்து உள்ளது. இதன் காரணமாக வயல்களில் விளையும் பொருட்களை அறுவடை செய்யவதில் சிரமத்தை சந்தித்து வருகின்றனர். எனவே சம்பந்தப்பட்ட அதிகாரிகள் உரியநடவடிக்கை எடுத்து வயல்பகுதியில் உள்ள மின்கம்பத்தை மாற்றி விட்டு புதிய மின்கம்பத்தை அமைக்கவேண்டும் என்று பொதுமக்கள் கோரிக்கை விடுத்துள்ளனர்.