பெரம்பலூர் மாவட்டம், ஆலத்தூர் தாலுகா, நாட்டார்மங்கலம் கிராமத்தில் சரிவர மின்திறன் வராததால் இல்லத்தரசிகள் அல்லாடி வருகின்றனர். மேலும் பஸ் நிலையத்தில் இருந்து ஊருக்குள் செல்லும் சாலையில் தெரு விளக்குகள் எரியாததால் இரவு நேரங்களில் ஊருக்குள் செல்பவர்கள் அச்சத்துடனே செல்கின்றனர் என தினத்தந்தி புகார் பெட்டியில் செய்தி வெளியிடப்பட்டது. இதனை அறிந்த சம்பந்தப்பட்ட அதிகாரிகள் விரைந்து நடவடிக்கை எடுத்து இதனை சரிசெய்தனர். இதற்கு செய்தி வெளியிட்ட தினத்தந்தி புகார் பெட்டிக்கும், நடவடிக்கை எடுத்த மின்சாரத்துறை அதிகாரிகளுக்கும் இப்பகுதி மக்கள் நன்றி தெரிவித்தனர்.