திருவள்ளூர் மாவட்டம் காரனோடை முனி வேல் நகர் பகுதியில், ஆத்தூர் செல்லும் வழியில் உள்ள பிரசன்ன வெங்கடேச பெருமாள் கோவில் இருக்கும் பகுதியில் இருக்கும் மின் கம்பம் சேதமடைந்து காட்சி தருகிறது. மின் கம்பத்தின் சிமெண்ட் பூச்சுகள் உதிர்ந்து கம்பிகள் வெளியே தெரிந்தும் ஆபத்தாக இருப்பதால் கோவிலுக்கு வரும் பொதுமக்கள் அச்சத்துடனே சாமி தரிசனம் செய்கிறார்கள். இது குறித்து மின்வாரிய அதிகாரிகள் ஆய்வு செய்து சேதமடைந்த மின் கம்பத்தை சரி செய்ய வேண்டும்.