தர்மபுரி நகரில் பெரியார் சிலை 3 சாலை சந்திப்பு பகுதியில் உயர்மின் கோபுர விளக்கு அமைக்கப்பட்டுள்ளது. இந்த மின்விளக்கு கடந்த சில மாதங்களாக எரியவில்லை. இதனால் இந்த பகுதியில் இரவு நேரங்களில் சாலையை கடக்கும் பெண்கள் மற்றும் மாணவ-மாணவிகள் போதுமான வெளிச்சம் இல்லாததால் கடும் சிரமத்திற்கு உள்ளாகி வருகிறார்கள். இந்த உயர் கோபுர மின்விளக்கை சீரமைத்து இரவு நேரங்களில் முறையாக எரிய தேவையான நடவடிக்கைகளை சம்பந்தப்பட்ட துறையினர் நடவடிக்கை எடுக்க வேண்டும்.